Redacción | 11 de marzo de 2020

A Feira do Viño de Chantada abriu, coma sempre, o almanaque de citas co viño da última colleita na Ribeira Sacra. Foi unha fin de semana de encontro multisectorial e festivo na que dende o turismo deica ao sector gandeiro estiveron represetados e sacaron tallada e promoción, entre copas de viño e racións de polbo que se serviron de xeito continuado durante dous días e medio. A cata oficial, a popular, novas propostas como o túnel do viño, ambientación musical, verbenas e sobre todo un crecente interese polo viño das 14 adegas da subzona que foron as verdadeiras protagonistas dun evento que tivo varios guiños coa conmemoración do 8M.