Redacción | 22 de setembro 2018

Garabelos en Mariz foi o espazo de acollida do II Festival Son Labreg@. A boa experiencia da primeira edición en Sarria fixo que a mocidade do Sindicato Labrego Galego apostase por volver celebrar este encontro cuxo principal obxectivo é compartir experiencias produtivas e reprodutivas de vida no rural. Ao longo do día desenvolvéronse palestras, unha feira de alimentos e artesanía e diversos obradoiros e actuacións musicais. A principal reivindicación dos e as asistentes foi a necesidade de que a Administración conecte coa realidade labrega e deixe de apostar por un modelo agrícola produtivista e industrial. Foron moitas as experiencias que se compartiron. Dan conta de  que o rural é un espazo de posibilidades, de presente e de futuro.