Os novos membros que traballarán na reformulación da candidatura son Isabel Aguirre, directora da Escola Galega de Paisaxe da Fundación Juana de Vega; Felipe Criado, director do Instituto de Ciencias do Patrimonio (INCIPIT) do CSIC; Lorenzo Fernández Prieto, catedrático de Historia Contemporánea da Universidade de Santiago de Compostela, e Rubén Lois, catedrático de Análise Xeográfica Rexional da Universidade de Santiago de Compostela. 

O conselleiro Román Rodríguez sinalou que este novo grupo supón “un paso imprescindible na vía de diálogo con Icomos, órgano asesor da Unesco” e por outra banda “marca un punto de inflexión na candidatura porque permitirá revisar o expediente e seguir avanzando co máximo rigor e calidade para conseguir que a Ribeira Sacra sexa declarada Patrimonio Mundial”.

Outra das intencións que declaran dende o Goberno galego é que agora se vai “ntensificar o contacto coas administracións implicadas así como cos propios veciños.