Por isto, no territorio segue a desenvolverse o traballo nas viñas conforme ás directrices sanitarias e o taballo técnico acométese baixo as normativas establecidas. Os viños desta zona están a ser os viños galegos máis vendidos nos supermercados, pero a incerteza tamén está presente coas limitacións do sector da hostalería, que iniciará a progresiva apertura coa anunciada fase de lenta desescalada. Pero é preciso fomentar medias, e neste momento as adegas da D.O. dispoñen dalgúns medios para poder seguir vendendo viño: a través das súas propias páxinas web, por comercio electrónico ou mediante envíos con pedidos directps a través do teléfono ou do mail.

Na web do Consello Regulador aparece información das adegas e contacto para acceder a elas e deste xeito coñecer a maneira en que os consumidores e as consumidoras poden solicitar os seus viños a distancia.

O organismo regulador fai un chamamento á cidadanía  para que aposte polos viños galegos con Denominación de orixe. Ao tempo, convida ás adegas que non teñen servizos on line e queren chegar ao cliente , a que o comuniquen ao Consello para centralizar esta información dende a web oficial www.ribeirasacra.org