Lorena Gallardo | 10 de setembro de 2019

 Hai moitas formas de coidar a terra se queremos facelo. Unha delas é a través do cinema e do audiovisual e iso demostrouse na segunda xornada de Cine para Coidar a Terra, que non podía celebrarse noutro lugar distinto ao Cinema Palleiriso, con todo o que este recuncho de soños e de amor pola natureza, representa. Anxo Moure e a Federación de Cineclubes de Galicia armaron unha sesión inesquecible con proxeccións, estreas de documentais, convivencia no almorzo e xantar comunitario, presentación de proxectos de produtores locais, obradoiros creativos de cinema para todas ... Oportunidades para falarmos, coa presenza de diversas plataformas veciñais en defensa do medio en Galicia e ata un espazo para presentar os traballos desta nosa Canle Ribeira Sacra, que tamén quere coidar da terra co seu gran de area en forma de contidos audiovisuais.