Redacción | 19 de setembro de 2019

Setembro é a volta ao cole,  e comezamos o curso cunha estudante modélica. Tania Vázquez García recibiu hai pouco en Madrid un premio á excelencia académica concedido polo Ministerio de Educación. Non é o primeiro que lle outorgan, pero para ela o gran galardón é poder facer o que quere, moi preto da casa, no rural de Chantada. Esta moza, criada na aldea das Corneas, está iniciando a súa etapa como profesora na Ribeira Sacra. A lingua galega como lingua materna é para ela unha das mellores herdanzas xunto coa literatura, as súas grandes paixóns como investigadora. Falamos con ela longo e tendido das oportunidades formativas e educativas para a mocidade no rural galego,  de soños cumplidos e da responsabilidade dos e das docentes no futuro da nosa lingua ...