Un paseo polos Muíños do Xabrega
Sober
14 Novembro 2018
Patrimonio
Redacción | 14 de novembro de 2018
Sobran as palabras para achegarnos timidamente á experiencia
dunha ruta de sendeirismo polos muíños do Xabrega, en Sober. Natureza,
etnografía, historia, e maxia seguen tamén a corrente deste regato salpicado
por antigos muíños, moitos deles moi ben recuperados.
Entre a aldea da
Boca e a desembocadura do regato Xabrega no río Sil, en Sober, había en tempos
28 muíños e dous batáns.
Hoxe, seguir o
curso do regueiro deica os Chancís é toda unha experiencia etnográfica e
natural grazas á recuperación de boa parte deles. O de Roque de Arroxó, os de
Nemesio da Boca, os do Chucán do Couto e moitos outros van irrompendo neste
singular paseo onde se poden contemplar os chamativos caneiros que conducían a
auga que movía boa parte do alimento e actividade económica neste recuncho da
Ribeira Sacra.
Restos dunha calzada romana, o máxico e relaxante son da auga que corre, os muros de pedra e as rodas que xiran son unha viaxe ás noites e días nos muíños que tantos segredos agochan.
Concello
Sober
Saber máis