A nova ferramenta xa está disponible na web turismo turismo.ribeirasacra.org e vai permitir mellorar progresivamente o estado dos recursos turísticos . A través deste apartado da web calquera visitante pode dar a coñecer as condicións de accesibilidade e mantemento dos puntos de interese a través dun sistema de xeolocalización automática no que, ademais dunha descrición poderá engadir unha fotografía para acompañar o comentario que queira trasladar.

Dar a coñecer incidencias como a falta de sinaliación nalgún punto dunha ruta de sendeirosmo, o mal estado dos accesos a un mosteiro ou o estado de limpeza en canto ao lixo no contorno dun miradoiro serán notificados de xeito inmediato ao Consorcio de Turismo, que se encargará de poñer en coñecemento aos responsables do recurso en cuestión. Desta maneira inician un proceso de seguimento do que se manterá informada á usuaria ou usuario co fin de subsanar a incidencia no tempo razoable e posible. Dependendo  do tipo de anomalía poderá resolverse en horas, días semanas ou meses.

O xeito de ubicar o recurso pode levarse a cabo de diferentes maneiras: xeolocalización automática do punto onde está o dispositivo do usuario, localización sobre un mapa ou emprego dun buscador introduciendo el nombre o lugar del recurso.

Este nova aplicación fai partícipe ao turista da xestión sustentable e eficiente da Ribeira Sacra mediante a súa colaboración e compromiso. Tamén permite recoller valoracións e suxestións do destino a nivel global.