Redacción | 22 de maio de 2019

O enfoque social e educativo da obra artística é unha das premisas da Asociación de Amigos de Manuel Jorge de Chantada. Neste mes de maio vemos na casa do Concello de Carballedo a mostra itinerante resultante  do segundo concurso de fotografía impulsado por este colectivo. Viña Sacra é o título desta escolma de instantáneas que reflicten unha participación en cantidade e calidade en procesos de creación. Iso é precisamente o fin da visita guiada que nestes días viviron as alumnas e alumnos do colexio Xosé Luis Taboada de Carballedo. Incorporación da ollada artística na educación, creatividade e aproximación dos eventos artísticos á comunidade local.