Concellos
Data inicial
Data final
Redacción | 30 de novembro de 2018
Dende o máxico Castro Candaz, flotante ás veces sobre as
augas do Miño, deica os escarpados canóns do Sil sobre a Pena de Matacás cos
seus renovados miradoiros o outono asomouse exuberante. Calidez e contraste nas
follas da vide que morren despois da vendima para nutrirse e rexurdir de novo
en pendentes como as de San Fiz de Asma ou nos viñedos de Belesar. Recunchos de
pura vida como a auga corrente do río Mao e instantáneas do pasado monástico da
Ribeira Sacra como a de Santo Estevo de Ribas de Miño son algunhas das imaxes ás
que lle sobran as palabras e que despiden un outono poderoso dende o ar, sobre
a auga e pola terra.
Concello
Ribeira Sacra