A revista galega de #tendencias Coralia lanza o número 15 na ·Ribeira Sacra

A revista galega de #tendencias Coralia lanza o número 15 na ·Ribeira Sacra

Chantada

14 Xaneiro 2020

Canle Ribeira Sacra

Cultura,Social

Amosar as tendencias e iniciativas de calidade que ferven no territorio galego a través dun deseño  coidade é obxectivo da revista Coralia. O número 15 desta publicación ten a faciana da cantante Lucía Pérez e foi presentado na Ribeira Sacra. As ribeiras do Miño e o contorno da adega Vía Romana en Belesar serviron de escenario dunha sesión fotográfica que é parte protagonista dun número especial que se distribuirá en Fitur. Tamén foron lugar para un completo acto no que se deron cita persoas da cultura, da comunicación, do emprendemento e da artesanía no ámbito galego. Alí coñecemos a Álex Regueiro e Fred Iglesias, os motores destas páxinas...

Semente Ribeira Sacra, impulso á innovación e ao emprendemento no territorio

Semente Ribeira Sacra, impulso á innovación e ao emprendemento no territorio

Ribeira Sacra

10 Xaneiro 2020

Canle Ribeira Sacra

Economía

Nestes días presentouse o Concurso Semente Ribeira Sacra, que premia a inciativa empresarial con 20.000 euros en distintas dotacións. Un primeiro premio de 10.000 euros, segundo de 7.000 e terceiro de 3.000 euros. A presentación de ideas comeza o 1 de xaneiro do 2020 a través da web www.sementeribeirasacra.org e remata o 16 de febreiro. A entrega de premios será o 9 de maio. Pode presentar a súa proposta calquera persoa cunha idea empresarial que dinamice o territorio. As bases do Concurso na web www.sementeribeirasacra.org

Axiña, os obradoiros audiovisuais #ConectandoTerritorio na Ribeira Sacra ourensá

Axiña, os obradoiros audiovisuais #ConectandoTerritorio na Ribeira Sacra ourensá

Ribeira Sacra

7 Xaneiro 2020

Canle Ribeira Sacra

Educación

Algo logramos ensinar e moito puidemos aprender durante os últimos meses coa rapazada da #RibeiraSacra. Agora é tempo de vacacións para os/as escolares, centrados/as na chegada dos Reis, pero foi moito o que traballaron connosco nun ilusionante proxecto en forma de talleres audiovisuais para explorar o territorio que nos une da man de Airoá Comunicación e a Deputación de Ourense. Aquí vos deixamos un avance, o teaser do que poderedes ver axiña na Canle Ribeira Sacra.

Fernando Castiñeiras, a historia dunha viaxe profunda e sen plan definido

Fernando Castiñeiras, a historia dunha viaxe profunda e sen plan definido

Chantada

2 Xaneiro 2020

Canle Ribeira Sacra

Social,Turismo

Hai moitos xeitos de viaxar e moitos estilos de viaxeiros/as. Sen dúbida, o chantadino Fernando Castiñeiras, non é un deses viaxeiros de ‘selfie’ ou que pasan polos lugares sen que os lugares pasen por eles. Cando alguén ten claro que ás veces o mellor plan é non ter plan xa delata unha actitude aventureira que traspasa os límites dos medos. As notas diarias dunha viaxe transformadora pola América do Sur son o argumento para compartir un periplo en forma literaria nun libro de viaxes moi diferente, no que as vivencias, as emocións e as xentes son as que fan os lugares. Este xornalista e profesor de lingua enganchado á vida nómada fálanos de ‘El plan es no tener plan. Viaje sin Rumbo por Sudamérica’, de regreso a Chantada

Cantiga despedida do ano e benvida ao 2020 a carón da Lareira do Romualdo

Cantiga despedida do ano e benvida ao 2020 a carón da Lareira do Romualdo

Taboada

31 Decembro 2019

Canle Ribeira Sacra

Memoria

Pese ao vento e ás nevaradas superamos este 2019! Aí vai a nosa despedida a carón do lume e de persoas que fan pola Ribeira Sacra como é o noso Francisco do Romualdo, dinamizador cultural e turístico do territorio, guía cego e exquisita sensibilidade do noso territorio. Queremos seguir “recollendo memoria e sementando futuro” abrindo as portas a un 2020 de realidades e soños renovados. 

O encoro de Belesar libérase da auga que reborda o Miño

O encoro de Belesar libérase da auga que reborda o Miño

Saviñao

23 Decembro 2019

Canle Ribeira Sacra

Social

Algúns non lembran un outono con tanta auga, o inverno está ás portas e as chuvias non cesan. Os regatos parecen ríos e os ríos baixan cunha forza que engaiola e estremece. A auga dos manantiais parece non ter fin neste tempo e o Miño medra enchendo os encoros ata o seu límite, tanto que non lles queda outra que deixar escapar o torrente río abaixo. A presa de Belesar, unha mole de case 130 metros de altura non pode conter tanta auga, e os aliviadeiros botan espuma pola boca. Un espectáculo hipnótico para quen se para un anaco a mirar.

Mariñeiras Daveiga, as galletas con responsabilidade social premiadas co Billó de Ouro

Mariñeiras Daveiga, as galletas con responsabilidade social premiadas co Billó de Ouro

Chantada

23 Decembro 2019

Canle Ribeira Sacra

Desenvolvemento

Daveiga Produción Responsable é unha empresa familiar e participativa comprometida co desenvolvemento do rural. A empresa leva unha traxectoria ascendente, e dende o seu inicio no ano 2005, con 6 empregados, chegou aos 74 traballadores na actualidade, dos que case a metade son socios. O sábado 21 de decembro recibirán o XXI Billó de Ouro, promovido polo Concello de Chantada e a Asociación Luso-Galaica. 

O sector do viño celebra o Nadal cos premios mundiais á viticultura de montaña

O sector do viño celebra o Nadal cos premios mundiais á viticultura de montaña

Ribeira Sacra

13 Decembro 2019

Canle Ribeira Sacra

Viño

Días de mesa, reunión e viño para compartir son unha as esencias destas datas. O xantar de Nadal da D.O. Ribeira Sacra armouse este ano en Chantada. O restaurante Casa Quinteliña albergou a cita na que se entregaron, ademais os galardóns ás adegas premiadas no Concurso Internacional “Mondial des Vins Extremes” que se celebrou no mes de xullo no Valle d´Aosta (Italia). Un ano máis os viños da D.O. Ribeira Sacra triunfaron neste certame. A D.O. Ribeira Sacra presentaba a esta edición do certame 51 mostras, 44 de tintos e 7 de brancos, pertencentes a 35 adegas e obtiña 19 premios O presidente do C.R.D.O.R.S., José Manuel Rodríguez, destacou que a Ribeira Sacra é un territorio e un proxecto conxunto no que se tenta deixar “caderno e bolígrafo para que a mocidade siga vivindo e traballando aquí e poida seguir escribindo a historia.

O Plan Ribeira Sacra, 34 millóns de investimento na paisaxe cultural

O Plan Ribeira Sacra, 34 millóns de investimento na paisaxe cultural

A Peroxa

10 Decembro 2019

Canle Ribeira Sacra

Patrimonio

Os Peares foi o lugar escollido para a presentación do Plan Ribeira Sacra, cun investimento de 34 millóns de euros ata 2023 en eidos como o patrimonio e paisaxe cultural, a ordenación do territorio ou a conservación dos valores naturais e medio ambiente, entre outros. O obxectivo é reforzar o territorio na súa candidatura como Patrimonio Mundial. O presidente da Xunta, Alberto Núñez Feijóo tamén presidiu nesta localidade a na sinatura do Plan especial de protección, infraestruturas e dotacións do consorcio local dos Peares.

Casas de bonecas: paixón, oficio e perfección nun museo obradoiro

Casas de bonecas: paixón, oficio e perfección nun museo obradoiro

Monforte de Lemos

9 Decembro 2019

Canle Ribeira Sacra

Cultura

Ata que visitamos o museo de casas de bonecas non soubemos cantos mundos, canto traballo e canta arte pode haber nunha cousa tan pequena. Josela e Paco teñen pasado moitos días e noites creando fogares inspirados na arquitectura e na vida de fogares tan distintos e tan distantes como pode ser un antigo pazo ou un cortijo andaluz. Son moitos moitos anos de oficio na procura da perfección, e iso había que amosalo. Por isto, decidiron apostar por regresar á Ribeira Sacra e amosar a beleza dunha pequena parte de todo o que sae do seu obradoiro de beleza en miniatura, ao último detalle. Témolo na Praza da Estación de ferrocarril, en Monforte.

 A Ribeira Sacra, Premio Galicia de Turismo pola Promoción da candidatura a Patrimonio Mundial

A Ribeira Sacra, Premio Galicia de Turismo pola Promoción da candidatura a Patrimonio Mundial

Ribeira Sacra

4 Decembro 2019

Canle Ribeira Sacra

Turismo

O Clúster Turismo de Galicia e a Xunta de Galicia concedéronlle á candidatura da Ribeira Sacra a Patrimonio Mundial un dos Premios Galicia de Turismo na categoría de Promoción. O Consorcio de Turismo da Ribeira Sacra  foi unha das entidades recoñecidas nesta gala que se celebrou o 3 de decembro no Teatro Rosalía, na Coruña. O presidente do Consorcio, Luis Fernández Guitián e o vicepresidente, César Parente foron os encargados de recoller o Ara Solis que representa un recoñecemento ao traballo do conxunto do territorio de cara a ser nomeado no 2021 Patrimonio Mundial da Unesco por configurar unha paisaxe cultural única. Nesta gala entregáronse un total de 9 premios a distintas persoas, colectivos e iniciativas relacionadas co sector turístico na nosa comunidade.

Un estudo da comarca de Chantada no XVIII, premio Condado de Pallares

Un estudo da comarca de Chantada no XVIII, premio Condado de Pallares

Taboada

29 Novembro 2019

Canle Ribeira Sacra

Cultura

Un estudo sobre A comarca de Chantada no século XVIII, centrado fundamentalmente na economía e na sociedade mereceu o XIII Premio de Investigación Condado de Pallares. Claudio Otero Eiriz, Tamara González López e Xosé Méndez Pérez son tres chantadinos, investigadores en distintas materias e autores deste traballo premiado pola asociación Amigos do Mosteiro de Ferreira de Pallares. O certame é pioneiro na provincia e pretende poner en valor estudos sobre as terras que, en tempos, integraron o Condado. O acto de entrega do galardón tivo lugar o 29 de novembro no Concello de Taboada.

Superado un novo desafío na beira do Miño

Superado un novo desafío na beira do Miño

Chantada

24 Novembro 2019

Canle Ribeira Sacra

Deporte

Desta volta o Desafío Vía Romana triunfou no formato de trail. Os corredores e corredoras desafiaron as pendentes, a auga e todo o que se puxo por diante nunha dura proba de tres distancias de trail e unha andaina deseñadas polo Club Atletismo Chantada e maila adega Vía Romana  coa axuda da veciñanza un ano máis. As beiras do Miño entre Chantada e o Saviñao na súa paisaxe outonal convenceron a máis de 300 deportistas d e todos os niveis. O gañador absoluto do trail longo, de nada menos que 28 duros quilómetros, foi Emilio Montilla, e na categoría feminina a número 1 do podio foi  María Ferreiro.

O ferreiro que aínda fai o carbón das uces na Ribeira Sacra

O ferreiro que aínda fai o carbón das uces na Ribeira Sacra

Esgos

15 Novembro 2019

Canle Ribeira Sacra

Patrimonio

Hai quen aínda fai na casa o carbón das uces. Os breixos, torgos, torgas ou urces do noso monte dan o carbón vexetal natural que produce unha calor intensa, especial, doutra calidade, que era o que se usaba tradicionalmente en moitos oficios. O noso ferreiro da Ribeira Sacra, amósanos unha vez máis como mima o seu oficio e aínda acode aos montes de Esgos para buscar a materia prima do carbón que fai coas súas mans. Con el logra caldear ou soldar a lume para elaborar pezas especiais na súa fragua, na que se traballa, como di Carlos Carballo, "á moda vella", para continuar o oficio ambulante nas feiras da contorna. Tal e como fixeran os seus antepasados.

Nace unha Axenda Rural Europea dende a Ribeira Sacra ourensá.

Nace unha Axenda Rural Europea dende a Ribeira Sacra ourensá.

Nogueira de Ramuín

12 Novembro 2019

Canle Ribeira Sacra

Desenvolvemento

O Ourense Rural Summit, iniciativa organizada pola Universidade de Vigo e a Deputación Provincial de Ourense, pechouse coa sinatura da Declaración de Santo Estevo de Ribas de Sil por unha Axenda Rural Europea. Nela márcase unha folla de ruta de sete puntos para o International Observatory of Rural Research, promovido polas dúas institucións para o impulso dos territorios rurais dende o punto de vista da economía global, a sociedade e o medio. Arredor de 130 especialistas de dez países participaron neste encontro contra o abandono e o despoboamento. A Ribeira Sacra e Ourense poden ser un bo laboratorio  para unha Europa onde o 80% do territorio é rural. Innovación, tecnoloxía e actitude positiva e internacionalización poden ser chaves nun reto onde os servizos sociais básicos a sociedade do coñecemento e a alta calidade de vida teñen que entrar en xogo nun futuro sustentable.

Públicos diversos para un Castañazo Rock intenso

Públicos diversos para un Castañazo Rock intenso

Chantada

8 Novembro 2019

Canle Ribeira Sacra

Cultura

Chantada vibrou de novo co seu Castañazo. O festival de outono galego por excelencia deixou nunha fin de semana chuviosa a vida que poden deixar milleiros de persoas con ansias de festa nunha pequena vila do interior ,que xa estaba no mapa, pero que eventos coma este axudan a que outros públicos a sitúen mellor. O público do rock, o da música galega, o dos sons tradicionais, pero tamén o de estilos que viven horas inmellorables coma o rap, sen esquecer o ska e o punk. Cabezas de cartel como S.A. ou SFDK e clásicos nesta cita coma os galegos Nao, de despedida, completaron un programa no que o Castañazo infantil e os cantos de taberna se consolidan como imprescindibles. O festival que nacía do magosto hai máis de vinte anos e que hoxe medrou e tamén mudou.

O Ourense Rural Summit debate, na Ribeira Sacra, sobre o reto demográfico

O Ourense Rural Summit debate, na Ribeira Sacra, sobre o reto demográfico

Nogueira de Ramuín

29 Outubro 2019

Canle Ribeira Sacra

Desenvolvemento,Social

A Ribeira Sacra é estes días sede dun congreso mundial e científico sobre o rural. O Ourense Rural Summit celébrase do 28 ao 31 de outubro entre o Parador de Santo Estevo de Ribas de Sil e o mosteiro de Oseira. Conferencias, rutas, debates sobre rural, patrimonio, forestal, agricultura, economías, saúde, medio ambiente ou comunicación con 130 expertos internacionais sobre os 17 obxectivos de sustentabilidade marcados pola ONU. O reto demográfico é unha das principais preocupacións deste cumio e tamén de Partenalia, a asociación de gobernos provinciais europeos, presida actualmente polo máximo mandatario da Deputación de Ourense, Manuel Baltar. O encontro está impulsado polo Observatory of Rural Research de Ourense-RIO- ,da Deputación de Ourense e da Universidade de Vigo, pretende marcar liñas de futuro e oportunidades para a provincia e para todo o rural.

As Denominacións de Orixe dos viños de España, na Ribeira Sacra

As Denominacións de Orixe dos viños de España, na Ribeira Sacra

Monforte de Lemos

25 Outubro 2019

Canle Ribeira Sacra

Viño

As Denominacións de Orixe vitivinícolas de España están concentradas na Ribeira Sacra coa XXIV  Asemblea Xeral da Conferencia Española de Consellos Reguladores Vitivinícolas ( CECRV). Significa isto a presenza dun 98% de representantes do viño con D.O. en España que suman ademais o apoio á candidatura da Ribeira Sacra como Patrimonio da Humanidade. O acto central tivo lugar en Monforte de Lemos coa elección da nova xunta directiva, que queda presidida novamente por David Palacios, da D.O. Navarra. Os representantes destas áreas coñecen a pé unha parte das ribeiras do Sil e do Miño nunhas xornadas nas que o Consello Regulador da Ribeira Sacra aproveita para amosar e promocionar o territorio e poñelo no foco da actualidade do sector.

A Galicia Baleirada, reflexións imprescindibles da Rede Revolta en Viana do Bolo

A Galicia Baleirada, reflexións imprescindibles da Rede Revolta en Viana do Bolo

Ribeira Sacra

22 Outubro 2019

Canle Ribeira Sacra

Desenvolvemento

O despoboamento e o drama do rural foron o foco dun encontro de reflexións imprescindibles en Viana do Bolo. A Universidade pisou o territorio cunha nova acción da Rede Revolta, un xesto para pensar de verdade nos porqués do desordenamento do territorio, na última emigración que deixou a comunidade con 400.000 habitantes menos, na fenda entre os propósitos teóricos para devolver a vida ao rural en contraposición ao escaso esforzo inversor nestas políticas, da responsabilidade tanto endóxena coma da urbanidade para transformar o modelo e reconstruír un rural sustentable na procura da felicidade.

Buscan máis evidencias do poboado romano de Proendos

Buscan máis evidencias do poboado romano de Proendos

Sober

21 Outubro 2019

Canle Ribeira Sacra

Patrimonio

O Concello de Sober busca unha antiga vila romana na aldea de Proendos. Hoxe comezaron os traballos de prospección arqueolóxica a carón da igrexa. Esta é unha zona de gran valor arqueolóxico na que xa foi documentado un xacemento e unha tumba do alto medievo. Fran Alonso, director da prospección, explica que o que esperan atopar é “unha vila romana” pola abundancia de material romano que xa ten sido documentado na zona.