Anna Champeney,  a tecelá da beleza na Ribeira Sacra

Anna Champeney, a tecelá da beleza na Ribeira Sacra

A Teixeira

19 Xullo 2019

Canle Ribeira Sacra

Desenvolvemento

As prendas e tecidos do tear de Anna Champeney son "coma un bico". Dende un pequeno recuncho da Ribeira Sacra ourensá saen pezas textís naturais, únicas, exclusivas e de alto deseño que espallan polo mundo o tacto, as cores, e a natureza do territorio. As cores naturais da paisaxe entran a través da fiestra do seu estudo téxtil na Teixeira e rematan nos seus tecidos. A deseñadora británica chegou de vacacións hai dúas décadas e tivo que quedarse. Dende o seu obradoiro une deseño contemporáneo e recupera as técnicas tradicionais da zona, mestura artesanía e tecnoloxía e, o que é máis importante, transmite o proceso e o legado a estudantes que chegan a Cristosende dende calquera parte do planeta. As pezas de Anna Champeney Textil Studio nacen da beleza para facer á xente " feliz e guapa".

De Ferreira a Santo Estevo. Un paseo patrimonial: do natural ao industrial en terras de románico.

De Ferreira a Santo Estevo. Un paseo patrimonial: do natural ao industrial en terras de románico.

Pantón

17 Xullo 2019

Canle Ribeira Sacra

Patrimonio,Turismo

Poucas rutas condensan en tan poucos quilómetros a mestura das belezas patrimoniais da Ribeira Sacra. A ruta pola vella estrada dende o Castro de Ferreira deica o Parador de Santo Estevo de Ribas de Sil vai amosando a carón do río a vida rural das aldeas luguesas camiño á Ribeira Sacra ourensá. Logo se percibe o territorio natural máis puro e pétreo dos canóns e a súa transformación a través do poder hidráulico e os sucos ferroviarios mesturados con outras fotografías con encanto como a do abandono da Chaira. Unha ruta de metafóricas pontes sobre os mares interiores para ascender cara a grandiosidade do patrimonio monástico. Un resumo gráfico coas luces e as sombras do transcorrer histórico da Ribeira Sacra 'on the road'.

VI Feira Medieval Guímara

VI Feira Medieval Guímara

A Pobra do Brollón

15 Xullo 2019

Canle Ribeira Sacra

Cultura

Sabedes por que ás xentes de Brollón lle chaman Guímaras/os?A revolta medieval deste pobo contra o poder dos Condes de Lemos foi recreada esta fin de semana na Pobra, nunha gran festa e encontro que afonda na historia e na identidade deste recuncho da #RibeiraSacra.

Arranca o torneo internacional de golf feminino Ribeira Sacra Patrimonio de la Humanidad

Arranca o torneo internacional de golf feminino Ribeira Sacra Patrimonio de la Humanidad

Pantón

9 Xullo 2019

Canle Ribeira Sacra

Deporte

O torneo Ribeira Sacra Patrimonio de la Humanidad International Ladies Open 2019 celébrase unha vez máis no concello de Pantón. Unha competición na que participan as promesas do golf de todo o mundo dende o deporte feminino. Tanto o O Balneario e campo de golf de Augas Santas acollen durante estes días esta fase clasificatoria poñendo a ollada do golf mundial feminino na Ribeira Sacra. A entrada é libre e de balde. Do 10 ao 13 de xullo.

III Festival do viño da Ribeira Sacra de Monforte

III Festival do viño da Ribeira Sacra de Monforte

Monforte de Lemos

7 Xullo 2019

Canle Ribeira Sacra

Viño

O paseo do Malecón, no rio Cabe, foi unha vez máis un escenario ideal para o Festival do viño da Ribeira Sacra de Monforte. Nesta terceira edición participaron 25 adegas de distintas zonas da denominación de orixe dos viños. Durante tres xornadas os/as asistentes puideron desfrutar dunha ampla e variada oferta de viños e enfrontarse nun momento idóneo para a última colleita. Un evento pausado con actividades paralelas como a gastronomía local e tamén de varias actuacións musicais e de danza. A rapazada tamén tivo o seu espazo con obradoiros e outras accións deseñadas para o público infantil. Houbo tamén rutas polas ribeiras e por suposto, visitas ás adegas.

A XV Cata dos Viños da Ribeira Sacra deixa 8 premios para a última colleita

A XV Cata dos Viños da Ribeira Sacra deixa 8 premios para a última colleita

Pantón

5 Xullo 2019

Canle Ribeira Sacra

Viño

O sector vitivinícola recolleu hoxe os premios da última colleita en Pantón. A Cata dos Viños da D.O. Ribeira Sacra valora cada ano e dende hai 25 os propios viños coa ollada dos expertos de dentro e fóra do territorio nunha cata cega á que se presentaron un total de 67 viños. Falamos con catadores e adegueiros.
 

Un libro para entender Galicia

Un libro para entender Galicia

Chantada

4 Xullo 2019

Canle Ribeira Sacra

Cultura

"Fuga e retorno de Adrián Solovio é un deses grandes libros que che permite entender Galicia sen moverte do sofá da casa". Con estas verbas condensaba o escritor e lector chantadino Pablo Rubén Eyré a obra do historiador Ramón Villares, que foi presentada  no Casino de Chantada a comezos deste mes co gaio da súa reedición e nun acto da Irmandade Cultural País do Faro. A través do protagonista e das páxinas de 'Arredor de si', novela de Otero Pedrayo, o historiador lucense recupera o seu discurso de entrada na Real Academia Galega, pero amplíao nun ensaio vencellado á construción do pensamento galeguista moderno. Un libro que tamén é "unha maneira de explicar ou intentar comprender o mundo".

A maxia de fotografar o raio verde

A maxia de fotografar o raio verde

Chantada

3 Xullo 2019

Canle Ribeira Sacra

Ciencia

Na vida hai momentos verdadeiramente máxicos. A chantadina Sandra Sánchez viviu un deses intres de enerxía a pasada fin de semana cando fotografou o mítico raio verde do Sol dende as illas Cíes.  Estaban alí, en clonfluencia, as súas grandes paixóns: o mar, o solpor e a fotografía.  E tiña que pasar.
 

Ana Vila, a gandeira poeta a tempo completo

Ana Vila, a gandeira poeta a tempo completo

Taboada

2 Xullo 2019

Canle Ribeira Sacra

Sector Primario

O outro día fomos coas vacas. Acompañamos a Ana Vila nun día calquera da súa vida. Coñecemos un pouco mellor a unha desas mulleres labregas que manteñen vivas as corredoiras e os prados dun rural en grave situación de despoboamento, das que deciden quedarse, polo motivo que sexa... Das que deciden que non cambiarían por nada a súa vida na aldea, aínda que sí cambiarían moitas cousas que mudarían a vida na aldea. A labrega poeta, a labrega que escribe e que soña na súa ocupación de nai, no seu quefacer doméstico e laboral e na súa tarefa de coidadora. Libreta ou fouce en man, querendo ou sen querer, Ana Vila reivindícase e reivindica ás mulleres e aos homes do agro e unha vida digna con servizos para o rural  tamén full time.
 

Máis de 900 voces xuntas na Romaría Coral Galega

Máis de 900 voces xuntas na Romaría Coral Galega

Chantada

1 Xullo 2019

Canle Ribeira Sacra

Cultura

A Coral Polifónica de Chantada foi este ano a organizadora do maior evento deste tipo de agrupacións que ten lugar no circuíto galego: a XVI Romaría Coral Galega. O pobo implicouse dende o primeiro momento para acoller un concerto no que algo máis de 30 corais e 900 voces soaron ao unísono na vila do Asma. A Rúa Xoán XXIII luciu un escenario de considerables dimensións para organizar as voces que cun repertorio moi escollido e coa colaboración da Banda de Música de Chantada encheron a tarde baixa da xornada dominical que pechaba o mes de xuño na Ribeira Sacra.

Un voo en globo sobre a Ribeira Sacra. Monforte de Lemos

Un voo en globo sobre a Ribeira Sacra. Monforte de Lemos

Ribeira Sacra

27 Xuño 2019

Canle Ribeira Sacra

Turismo

Voar é o soño de moitas persoas. Sobrevoar a Ribeira Sacra é outro desexo feito realidade para as ducias de persoas que xa experimentaron a sensación aerostática. O éxito das viaxes en globo, que reiniciaron tempada esta semana e contan xa cunha ampla lista de espera, pode palparse, como as nubes. Lembramos, con este vídeo, a grata experiencia nunha das primeiras viaxes que o Consorcio de Turismo da Ribeira Sacra impulsou sobre Monforte de Lemos... Apetece, ou non?

Unha trintena de adegas participarán na 25ª Cata dos Viños da Ribeira Sacra

Unha trintena de adegas participarán na 25ª Cata dos Viños da Ribeira Sacra

Ribeira Sacra

25 Xuño 2019

Canle Ribeira Sacra

Viño

A Ribeira Sacra valorará os días 4 e 5 de xullo os viños da última colleita. Será na Cata dos Viños da Ribeira Sacra organizada dende o propio  Consello Regulador da Denominación de Orixe. Preséntanse un total de 67 viños pertencentes a 31 adegas. En concreto 32 viños tintos, 17 viños brancos e 18 doutras anadas ou con barrica. Será a 25ª edición do certame no que a propia D.O. avalía os seus viños. O panel de cata estará integrado por expertos/as de todo o territorio español.
 

Randolfe, o pintor gandeiro que respira as cores do rural

Randolfe, o pintor gandeiro que respira as cores do rural

Carballedo

25 Xuño 2019

Canle Ribeira Sacra

Cultura,Sector Primario

Nestes días entrevistamos a José Randolfe Vilariño. O Randolfe é deses homes que non paran de estrebillar. Unha persoa multifacética que, ademais, intenta facelo ben en todos os eidos. Gandeiro e artista, artista e gandeiro- entre moitas outras cousas- deses que madrugan "para ter máis tempo libre" e sobre todo para non deixar sen atender o mellor posible todas as suas ocupacións. Conversamos longo e tendido no chouso no que pacían as vacas na primavera de Carballedo e recoñecemos á persoa conversadora, analítica, retranqueira e colorida que se amosa tamén na súa extensa e recoñecida obra.  

Despedida do curso escolar por todo o alto

Despedida do curso escolar por todo o alto

Carballedo

24 Xuño 2019

Canle Ribeira Sacra

Social

Vaia festa para dar por iniciadas as vacacións dos e das escolares! Xogos inchables para brincar, mollarse a gusto sen recibir reprimenda, non pensar nos deberes da aula, gozar dunha merendola en compaña, e contar coa sempre ben recibida escuma branca non semellan mal plan para simbolizar o remate do curso e o comezo do periodo estival. No rural tamén hai moito do que gozar nos días de lecer que agardan, e no Concello de Carballedo quixeron homenaxear ás nenas e aos nenos con esta pequena despedida do curso, unha tarde seguramente inesquecible na memoria da infancia.

O traballo dos resineiros amosa outras vidas para o monte na Ribeira Sacra

O traballo dos resineiros amosa outras vidas para o monte na Ribeira Sacra

Pantón

21 Xuño 2019

Canle Ribeira Sacra

Sector Primario

Xián, Lucas e Fran coñecen cada piñeiro do Monte Ferroedo, en Pantón. Son os resineiros que chegaron hai uns meses  á Ribeira Sacra para lembrarnos que no monte hai máis vida aínda da que xa coñecemos. Si algo ten o noso territorio é monte, ademáis da ribeira. O monte foi sempre vida e recurso e cada piñeiro maduro repónse das pequenas feridas mentres a nova actividade é sustento para a nova veciñanza dun rural en despoboamento. Doutra banda, a resinación axuda a previr os temidos lumes e convive con outros usos forestais do monte veciñal. Coñecemos en profundidade o traballo dos resineiros, a súa filosofía, os usos industriais desta materia, e unha iniciativa que pode ser o comezo doutras olladas cara o futuro sustentable do noso monte.
 

51 viños da 'viticultura heroica' viaxan ao concurso mundial de Aosta

51 viños da 'viticultura heroica' viaxan ao concurso mundial de Aosta

Ribeira Sacra

19 Xuño 2019

Canle Ribeira Sacra

Viño

A D.O . Ribeira Sacra presenta este ano ao certame mundial de viticultura de montaña  de Aosta un total de  51 viños, 44  tintos e 7 brancos. Son 35 adegas as que participan nun concurso no que esta zona sempre obtén gratos resultados e recibe varias medallas que axudan á promoción e consolidación dos nosos viños no mercado internacional como referentes desa 'Viticultura Heroica'
 

Lume, fume e calma na Lareira de A Faragulla

Lume, fume e calma na Lareira de A Faragulla

Chantada

18 Xuño 2019

Canle Ribeira Sacra

Social

O 18 de xuño celébrase o Día da Gastronomía Sustentable. "O conxunto de pratos e usos culinarios propios dun determinado lugar é unha expresión máis da diversidade natural e cultural do planeta". Coa celebración deste día téntase "promover uns hábitos alimenticios  máis respectuosos co medio ambiente e coas tradicións locais". Ocasión estupenda para amosarvos este vídeo que fixemos para a brasería A Faragulla na xornada de presentación da súa Lareira: unha antiga tradición que aínda que nos lembra aos asados arxentinos, tamén tivo presenza en Galicia. Queredes coñecela da man do chef chantadino Antonio Lorenzo? Afortunadamente, na #RibeiraSacra temos cociñeiros e restaurantes que contan co produto local e coas marcas de proximidade.

Gundivós: a responsabilidade dun oficio ancestral entre mans

Gundivós: a responsabilidade dun oficio ancestral entre mans

Sober

14 Xuño 2019

Canle Ribeira Sacra

Patrimonio

Elías carga con paixón e devoción esa 'responsabilidade' de continuar cun oficio que se perdía, cun patrimonio que desaparecía como tantos outros. E o feito de que teñamos entre mans unha das olerías ancestrais máis antigas da Península Ibérica, a de Gundivós, fai que a responsabilidade sexa aínda maior. Quedan en Sober dous artesáns que comparten este e este saber único en estreita relación co medio e co territorio. Elías González e tamén Tomás López teñen entre as súas mans unha herdanza de valor incalculable; unha das tres olerías tradicionais que perviven en Galicia da que nos fala con total entrega o responsable do centro oleiro Rectoral de Gundivós. Case 20 anos de aposta profesional por unha das marcas de identidade da Ribeira Sacra.

Cobertores de Emocións que abrigaron a noite cultural en Sabadelle

Cobertores de Emocións que abrigaron a noite cultural en Sabadelle

Chantada

11 Xuño 2019

Canle Ribeira Sacra

Cultura

O Pazo de Sabadelle abriu as súas portas coa súa tradicional foliada das artes  para inaugurar a mostra 'Cobertores de Emocións. Pan e Chocolate'. Nun concorrido evento de poetas, músicos e músicas, produtos da terra e moitas gañas de facer comunidade deuse comezo á exposición de Beatriz Palomero, Miguel Anxo Macía e Moxom que permanecerá no pacio deica finais de outubro.

Novos pasos na unión contra o cancro

Novos pasos na unión contra o cancro

Chantada

10 Xuño 2019

Canle Ribeira Sacra

Social

A loita contra co cancro deu este domingo moitos pasos adiante na Ribeira Sacra. Unhas 600 persoas camiñaron e colaboraron unidas co obxectivo único de sensibilizar e sumar nos frentes contra esta dura enfermidade e reforzar as redes de apoio a enfermos e familiares. Unha ruta solidaria que representa todo o sentir co que nacía hai case tres anos a Asociación Chantada contra o Cancro, a primeira do sur de Lugo que ten como base esta dura enfermidade que dun xeito o outro nos toca a todas e a todos.